Граѓанска наука во Италија

Развој на граѓанската наука во Италија

Италија се наоѓа во првите редови на глобалното движење за граѓанска наука со богата и разновидна традиција на граѓанско учество во научно истражување и собирање податоци. Овој проактивен пристап кон граѓанска наука се протега низ повеќе дисциплини и игра важна улога во следењето на животната средина, нејзиното зачувување и одржливост.

Италија е една од најзастапените земји во Европската асоцијација за граѓанска наука (ECSA), доколку се земе во предвид големиот број италијански членови во ЕАГН (ECSA). Тоа, само по себе покажува значителен интерес кон темата, како и потенцијал за понатамошен раст. Од 2005 година, повеќето проектите на граѓанска наука во Италија имаат за примарен фокус мониторинг и известување за биодиверзитет, а во февруари 2023 година, е основана и Италијанската асоцијација за граѓанска наука, што е дополнителен показател за важноста на граѓанската наука во Италија.

Граѓанската наука во Италија ја карактеризираат безброј иницијативи и проекти во кои се вклучени граѓани, експерти и ентузијасти. Овој ангажман е длабоко вткаен во ткивото на италијанското културно наследство, кое дава голема важност на потрагата по знаење и научно откритие. Посветеноста на Италија кон граѓанската наука не е само површна; таа е длабоко вкоренета во структурата на идентитетот на државата и во нејзините аспирации за иднината.

Една од дефинирачките карактеристики на граѓанската наука во Италија е нејзиниот холистички пристап. Таа не постои изолирано, туку е сложено испреплетена во различни домени на научно истражување, развој на политики и управување со животната средина. Вклучувањето на Италија во ЕАГН (ECSA) и основањето на Италијанската асоцијација за граѓанска наука во 2023 година ја покажуваат посветеноста на нацијата кон унапредување на иницијативите за граѓанска наука. Ова залагање се протега подалеку од собирање податоци и научни истражувања со цел да стане камен-темелник на италијанските стратегии и политики за животната средина, отелотворувајќи ја посветеноста на Италија да ги охрабри граѓаните активно да учествуваат во обликувањето на одржлива иднина.

Влијанието на овој заеднички напор се протега надвор од досегот на податоците и научните откритија. Тоа се одразува со поефективни и поодржливи пристапи за справување со еколошките предизвици во рамките на земјата, вклучувајќи го и учеството на јавноста во обликување одржлива иднина. Фокусот на иницијативите за граѓанска наука не е само во генерирање корисни научни податоци, туку и во промената на односот на граѓаните и нивната животна средина, поттикнувајќи го нивното чувство на одговорност кон заедницата. Ова не е пасивен ангажман, туку активно партнерство меѓу граѓаните, научната заедница и раководството со животната средина.

Преку граѓанската наука, Италија цели да го заштити и зголеми своето богато природно наследство, што ја одразува не само нејзината посветеност во решавање на еколошките прашања, туку и нејзиното цврсто верување во важноста на граѓанското учество во обликувањето на одржлива иднина.

Главни еколошки предизвици во Италија

Квалитет на воздyот и загадување

Италија се бори со сериозни предизвици во однос на квалитетот на воздухот кои се тесно поврзани со работата на локалната индустрија, транспортниот сектор, како и урбанизацијата. Дополнително, емисиите од фабриките, зголемениот обем на автомобилски сообраќај и системите за греење, особено за време на постудените периоди, кумулативно резултираат со зголемени нивоа на загадување на воздухот во урбаните региони. Ова прашање претставува најголем проблем, бидејќи влијае не само на квалитетот на животната средина, туку и на здравјето и благосостојбата на населението. Италијанската влада усвои проактивен став, искористувајќи ја граѓанската наука за ефикасно справување и управување со проблемите за квалитетот на воздух. Преку граѓански научни проекти, жителите се активно вклучени во мониторинг и евалуација на квалитетот на воздухот. Вооружени со научно знаење и податоци во реално време, тие имаат значајна улога во битката против загадувањето на воздухот, активно придонесувајќи во потрагата по почисти и поздрави урбани средини.

Зачувување на биодиверзитетот

Италија, препознатлива по својата неверојатна низа на екосистеми, се соочува со различни предизвици кои произлегуваат од деградацијата на живеалиштата и опасноста од климатските промени. Овие закани фрлаат сенка врз извонредниот биодиверзитет во државата, кој се карактеризира со богата разновидност на уникатна флора и фауна. Губењето на живеалишта и промените во климатските услови претставуваат отрезнувачки предизвик за зачувување на скапоценото природно наследство на Италија. Како одговор на овие предизвици, се појавија иницијативите за граѓанска наука, страсно посветени на каталогизирање и зачувување на уникатните екосистеми во Италија. Овие проекти за граѓанска наука играат клучна улога во подобрувањето на научното разбирање, создавајќи подлабоко вреднување на биодиверзитетот на Италија и обезбедувајќи критичка поддршка за напорите за зачувување од страна на нацијата. Поединците кои активно учествуваат во овие иницијативи станаа управители на еколошкото богатство на Италија, создавајќи силна врска помеѓу заедниците и нивното природно опкружување.

Влијание на климатските промени

Последиците од климатските промени акутно се чувствуваат во Италија, манифестирајќи се со зголемени температури, нагли временски промени и појава на екстремни временски услови. Овие ефекти претставуваат значителни предизвици за националната еколошката стабилност и отпорност. Во битката против овие сè поголеми закани, граѓанските научници се наоѓаат во првите редови од фронтот. Тие ја носат одговорноста за следење и истражување на овие климатски промени, дејствувајќи како чувари на вредни податоци. Овие податоци не се само апстрактен збир на бројки, туку основа за формулирање на стратегии за адаптација на климата кои имаат цел да ја зајакнат одбраната на Италија од опасностите на климатските промени. Посветеноста на Италија кон одржливост и отпорност во однос на климатските промени е живописно илустрирана со посветеноста на нејзините граѓански научници.

Квалитет и управување со водите

Италија, која се карактеризира со изобилството на езера, реки и широко крајбрежје, дава голема важност на квалитетот и одржливоста на нејзините водни ресурси. Овие водни екосистеми се составен дел на еколошката благосостојба на нацијата и се клучни во обликувањето на идентитетот на Италија. Сепак, овие витални водни средини се соочуваат со спектар на предизвици, кои се движат од загадување до еутрофикација. Заштитата на водните ресурси на Италија е мисија која длабоко резонира со италијанското население, бидејќи проектите за граѓанска наука ја преземаат наметката на следење и одржување на здравјето на овие екосистеми. Овие податоци играат неопходна улога во заштитата и ефективно управување со водните средини во Италија, олеснувајќи го правилното донесување одлуки и одржливи практики за да се обезбеди овековечување на овие витални ресурси.

Урбанизација и користење на земјиштето

Брзата урбанизација на Италија се карактеризира со развој на земјиште што претставува разновиден предизвик. Растечките трендови за изградба и користење на земјиштето имаат значителни последици врз локалните средини и зелените површини, што влијае врз структурата на урбаните екосистеми. Иако иницијативите за рециклирање се широко распространети низ целата земја, постојат региони каде што придржувањето кон правилните практики за отстранување на отпадот останува несоодветно, што резултира со неправилно отстранување на значителни количини отпаден материјал. Често, изобилство од несортиран отпад ги загадува јавните површини, вклучително и недопрените плажи. Рамнотежата помеѓу урбаниот развој и одржливоста на животната средина е сложена равенка, а граѓанските иницијативи играат инструментална улога во нејзиното разоткривање. Овие проекти се посветени на разбирање на влијанието на градежништвото врз урбаните екосистеми, особено фокусирајќи се на зелените површини во урбаните области. Податоците генерирани од овие иницијативи не се ограничени на научни архиви, туку обликуваат информирани одлуки во врска со одржливиот урбан развој во Италија. Последица од урбанизацијата на Италија не е само пејзаж од бетон и челик; што е доказ за синергијата помеѓу напредокот и зачувувањето на животната средина, оживеана со активниот ангажман на граѓанските научници.

Проекти на граѓанска наука во Италија

Национален центар за иднината на биодиверзитетот (NBFC)

Националниот центар за иднина на биодиверзитетот е обемна иницијатива која активно ги вклучува граѓаните во следењето и зачувувањето на богатиот биодиверзитет на Италија. Овој проект ги охрабрува учесниците да придонесат кон запознавање и зачувување на различните екосистеми на нацијата. За да дознаете повеќе, посетете го Националниот центар за иднината на  биодиверзитетот (NBFC) .

ЛАЈФ ЕСЦ 360 (LIFE ESC 360)

Проектот „Лајф ЕСЦ 360“ се фокусира на еколошки и социјален мониторинг, активно вклучувајќи ги граѓаните во собирањето податоци. Учесниците во оваа иницијатива играат клучна улога во зачувувањето и одржливоста на животната средина, промовирајќи чувство на одговорност кон животната средина. За повеќе информации, посетете го LIFE ESC 360 .

МУВ – Урбани вредности за мобилност

„МУВ – Урбани вредности за мобилност“ е амбициозен проект кој поттикнува вклучување на граѓаните во решенија за одржлива урбана мобилност. Учесниците активно придонесуваат за еколошки транспортни методи, унапредувајќи ја каузата за заштита на животната средина и поттикнувајќи подлабоко чувство на одговорност за животната средина. За да дознаете повеќе, посетете го MUV – Mobility Urban Values.

Одете до Аниена (Walk up Aniene)

Проектот „Одете до Аниена“ ги ангажира граѓаните во истражување и следење на реката Аниен, зголемувајќи ја еколошката свест и разбирањето на урбаните водни тела. Учесниците играат клучна улога во урбаните еколошки студии, промовирајќи одржливост и одговорно користење на земјиште. За повеќе информации, посетете го Walk up Aniene .

NO2, не благодарам 

Проектот „NO2, не благодарам“ е посветен на мониторинг на квалитетот на воздухот, охрабрувајќи ги граѓаните да учествуваат во собирањето податоци за воздухот. Оваа иницијатива е инструментална за зајакнување на знаењето на граѓаните за ефикасно справување со загадувањето на воздухот, промовирајќи поздрава животна средина. За да дознаете повеќе, посетете го NO2 NO GRAZIE .

Овие проекти за граѓанска наука го олицетворуваат иновативниот и напреден пристап на Италија кон ангажманот на јавноста во научното истражување. Со активно вклучување на граѓаните во различни аспекти на мониторингот и одржливоста на животната средина, Италија ја користи колективната моќ на своите граѓани за да поттикне поголема еколошка свест и да ја поттикне нацијата кон поодржлива и еколошки свесна иднина.

Резултати од теренско истражување

Партнерскиот конзорциум GEA тргна на патување за откритија во Италија, барајќи да го разбере пејзажот на граѓанска наука. Италијанското теренско истражување беше спроведено за да се процени нивото на препознавање, учество и потенцијалот на граѓанската наука како катализатор за промени во животната средина кај возрасните Италијанци.

Партнерскиот конзорциум ГЕА се ангажираше заедно со со разновидна група учесници, вклучително возрасни, обесправени возрасни лица, едукатори за возрасни, како и експерти од областа на граѓанската наука и активностите за животната средина. Преку комбинација на анкети, работилници и интервјуа, конзорциумот имаше за цел да прикаже сеопфатна слика за тоа како се перципира граѓанската наука и дали има потенцијал да ја зголеми еколошката свест кај возрасните Италијанци.

Ниска свест за граѓанска наука во Италија

Терминот „граѓанска наука“ останува во голема мера непознат за обичните граѓани на Италија. За многумина, овој концепт останува неоткриен во нивниот секојдневен живот. Повеќе од 80% од учесниците укажале дека нема претходна свест. Приближно 50% од испитаниците изразиле склоност кон еколошко образование.

Поврзаност на еколошки предизвици и социјални проблеми

Учесниците во фокус групите ја истакнаа силната врска помеѓу еколошките предизвици и социјалните проблеми. Тие истакнаа дека е тешко да се разговара за локалните еколошки предизвици изолирано, бидејќи локалните и глобалните настани се испреплетени. Еколошките и социјалните прашања се преклопуваат, што го прави клучно решавањето на двата аспекта. Ова преклопување е од суштинско значење за разбирање и ефикасно справување со еколошките предизвици.

Главни еколошки проблеми

Теренското истражување идентификуваше различни еколошки проблеми во Италија. Испитаниците и учесниците спомнаа широк спектар на предизвици, како што е значително зголемување на популациите на див свет (64%), што доведува до проблеми, како што се оштетување на посевите, уништување на одводните канали и загадување на подземните води. Дополнително, учесниците препознаа проблеми поврзани со шумски пожари (58%), климатски промени (73%) и земјоделски практики (51%). Разновидноста на еколошките проблеми сугерира дека е потребен повеќестран пристап.

Локални еколошки иницијативи

И анкетите и дискусиите во фокус групи го открија постоењето на локални еколошки иницијативи во Италија. Во урбаните области како што е Палермо, различните соседски заедници активно се вклучија во овие иницијативи. Примери за локални еколошки акции вклучуваат едукативни фарми, урбани градини, садење дрвја и напори за чистење на плажите. Сепак, многу учесници забележаа општа незаинтересираност кај возрасните за прашања за животната средина, сметајќи ги првенствено како грижи на „новата генерација“. Оваа незаинтересираност претставува предизвик за локалните еколошки иницијативи.

Едукација на возрасни за животна средина

Теренското истражување ја истакна важноста на еколошкото образование за возрасни во Италија. Учесниците во фокус групите споделија препораки за поефективни образовни програми. Тие сугерираа дека образовните програми треба да бидат лице в лице, флексибилни во однос на времето и треба активно да ги вклучуваат учесниците во собирањето податоци и практичните активности. Исто така, тие ја истакнаа потребата да се дадат практични примери за одржливи акции во секојдневниот живот за да се подигне свеста и да се поттикне акција.

Учество во проекти за граѓанска наука

Проектите за граѓанска наука беа релативно непознати меѓу испитаниците во истражувањето. Некои едукатори и учесници во фокус групите имаа искуство со иницијативи за граѓанска наука, но мнозинството од населението не беше запознаено со терминот. Се покажа дека влијанието на проектите за граѓанска наука е позитивно, што доведе до зголемен ангажман меѓу учесниците. Сепак, отсуството на свест и долгорочниот континуитет на овие проекти наоѓа на предизвици.

Сознанија

Италијанското теренско истражување обезбедува длабинско истражување за свеста и ангажманот на обичните граѓани во доменот на граѓанската наука. Наодите откриваат остра поделеност, при што многу италијанци не се запознаени со терминот „граѓанска наука“. Наодите ја нагласуваат тесната поврзаност помеѓу предизвиците на животната средина и социјалните проблеми, нагласувајќи ја важноста на холистичкиот пристап за решавање на овие прашања.

Заклучоци

Теренското истражување спроведено во Италија како дел од ГЕА проектот откри неколку клучни наоди кои ја прошируваат свеста и учеството на граѓаните во активностите за граѓанска наука. Овие наоди се усогласуваат и прошируваат со сознанијата добиени од desk истражувањата во Италија.

Непознавањето на терминот „граѓанска наука“ се појави како вообичаена тема во текот на desk и теренското истражување, особено кај обичните возрасни. Очигледно беше и поширокото прашање за ограничена еколошка свест. Овие наоди ја нагласуваат потребата за зголемено образование и напори за информирање.

Беше нагласена важноста на справување со локалните еколошки предизвици и интегрирање на социјалните аспекти во контекстот на граѓанска наука. Локалните заедници играат витална улога во согледувањето и решавањето на еколошките проблеми, што прави да биде од суштинско значење поттикнувањето чувството за заедничка одговорност и колективна акција. Специфичните еколошки предизвици пријавени од учесниците варираат помеѓу урбаните и руралните области, нагласувајќи ја важноста од приспособување на граѓанските научни иницијативи на локалниот контекст.

Се појавија неколку вредни сознанија во поглед на еколошкото образование за возрасни. Јасно е дека флексибилноста во испораката на образовни  програми е од суштинско значење, бидејќи многу возрасни се соочуваат со временски ограничувања поради нивните професионални и лични обврски. Ефективните програми треба да инкорпорираат елементи лице в лице, практични активности и ангажирање со примери кои покажуваат одржливи акции. Понатаму, микро-дејствата или малите чекори што поединците можат да ги преземат во нивниот секојдневен живот, беа идентификувани како моќна алатка за вклучување на пошироката јавност во одржливоста на животната средина.

Теренското истражување го назначи постоењето на различни локални еколошки иницијативи во Италија, вклучувајќи урбани градини, образовни фарми и напори на заедницата за чистење. Сепак, незаинтересираноста на многу возрасни за прашањата за животната средина, кои често се сметаат за грижи на „новата генерација“, претставува значителен предизвик. Премостувањето на меѓугенерацискиот јаз и правењето еколошките активности да бидат подостапни за возрасните ќе биде критично за да се поттикне поголемо учество. Ефективната комуникација, самодоволните заедници и долгорочната одржливост беа идентификувани како клучни фактори за успехот на таквите иницијативи.